Ek sawaal..... La Jawaab...!!!

Ek baccha tha aur ek sher,
Dur kahin ek bada sa ped...

Use chherne bacche ne us par ek patthar mara,
Gehri nind me so raha tha jaag gaya bechara...

Jaan bachane ko wo baccha khub zor se bhaga,
Uske peechhe sher para tha, abhi abhi tha jaga...

Kisi tarah se jaan bachakar ped par wo ja baetha,
Use charta dekh sher bhi ped ke neeche aa baetha...

Usne ped par do kale aur sade chuhe dekhe,
Milkar jo kaat rahe the daal ko baethe-bathe...

Neeche sher ne gaddha khoda aur baeth gaya moo kholkar,
Aisa lag raha tha jaise baetha hai koi soldier...

Baccha wo bechara apne kie par pachtaya,
Lekin wo chahkar bhi kuch nahi kar paya...

Shahad ka chhatta dekh kar uska jee lalchaya,
Lekar ungli bhar ke shahad jab usne khaya...

Shahad ke maze me wo magan ho gaya is kadar,
Haae.. wo ye bhul gaya, q aya tha wo ped par...

Hum sab ka jeevan bhi kuch isi tara ka ho gaya hai,
Duniya ki chamak mein har koi yahan kho gaya hai...

Din aur raat humari jeevan ki daal ko kaat rahe hain,
Jeevan ka har ek pal maut ki taraf baat rahe hain...

Maut apna moo khole humari taraf bad rahi hai,
Par afsos.. ke humein iski khabar nahi hai...

Khudi kabar bhi besabri se humare intezaar mein hai,
Kya humein yeh karna chahie jo hum kar rahe hain???