Falsafa - e - Fawad

Man ke shor ko lafzon mein panaah deta hoon.. Kuch is tarah, main shayari banaa leta hoon..

Tum khaas ho! Tum mein hunar hai, wo qabiliyat hai.. Tum khaas ho! Hai laazmi, khud par yaqeen rakhna.. Aur zaroori, ke tumhe ehsaas ho.. Ke tum khaas ho! Badnaami se beparwah raho, nakaami se na daro tum.. Na hiraas ho! Muddai jise kahe ye adha khali hai.. Wo tumhare nukht-e-nazar, nisf bhara glass ho.. Tum khaas ho! Tum khaas ho! Tum mein hunar hai, wo qabiliyat hai.. Tum khaas ho! Hai laazmi, khud par yaqeen rakhna.. Aur zaroori, ke tumhe ehsaas ho.. Ke tum khaas ho! To kya hua, gar chook gae kuch nishane tum.. Mat udaas ho! Markaz-e-hadaf chhune ki jadd-o-jahad rahe.. Kuch itni shadeed tumhari pyaas ho.. Tum khaas ho! Tum khaas ho! Tum mein hunar hai, wo qabiliyat hai.. Tum khaas ho! Hai laazmi, khud par yaqeen rakhna.. Aur zaroori, ke tumhe ehsaas ho.. Ke tum khaas ho! Jeetne ka aisa junoon ho, ke sab ko tumse umeed ho.. Ek aas ho.. Tumhari jeet par sab fakhr karein, aur ho jo mutasir bhi.. Mat pucho, fir us jeet ki kya mithaas ho.. Tum khaas ho! Tum khaas ho! Tum mein...

Aisa gar koi shughal ho, jisme faraaghat na ho.. Kaho fir us shaghil ki ujrat kya ho? Taalib wo bas apne bachcho ki aafiyat ka ho.. Ek Maa se uchi shakhsiyat, wakai kya ho! Maa ki mohabbat se badi koi azmat nahi.. Maa ki duao se badkar koi hifaazat nahi.. Maa ki kadmo me jannat hai, ye faqat nahi, Maa ke aanchal se umda koi rafaaqat nahi. Khuda ka qurb chhupa hai, Maa ki qurbat mein.. Maa baap ki khidmat mein, unki itaa'at mein.. Kya ho gar khuda ki ye inaayat na ho? Khudaai to ho par, Khuda ki rehmat na ho? Aisa gar koi shughal ho, jisme faraaghat na ho.. Kaho fir us shaghil ki ujrat kya ho? Taalib wo bas apne bachcho ki aafiyat ka ho.. Ek Maa se uchi shakhsiyat, wakai kya ho! By Fawad @Falsafa-e-Fawad